Lo mai fenhant

---ooOoo---

Un òme ric sul punt de morir dins son lèit al solièr primièr de son ostal,  decidís de legar sa fortuna al mai fenhant de sos tres filhs.

Per los testar, demanda a l'ainat de lo montar veire :

- Diga ! mon filh ! Que fas se siás a la terrassa d'un cafè, que fa calimàs e que veses un bilhet de cent èuros de l'autre costat de la carrièra ?

- Atendi que faga mens caud per l'anar quèrre !

Lo vièlh sona de seguida son filh segond.

- Que fas tu mon filh, se una filha polida te fa una guinhada a l'ora de la sèsta ?

- Fau en primièr ma dormida !

Alara lo vièlh apèla lo cabdèt :

- Janon ! Monta me veire !

- Nani ! Tu ! Davala !